ဝါဆိုမိုးပွင့်
ဆင်းလွင့်နေဆဲ
ဝသန်ရာသီ
တစ်နံနက်ထဲမှာပေါ့...
စာသင်နှစ်သစ်
ကျောင်းစဖွင့်မှာမို့
ကျောင်းတော်ကြီးဆီ
လှမ်းလို့ချီခဲ့သည်
ခပ်တည်တည်ပဲနော်...
ရဲဖော်ရဲဖက်
ကဲဖက်တော်အပေါင်းအား
ဒေါင်းတောက်မျှရှာဖွေစဉ်
ကျောင်းဝင်းမဟာ
လမ်းတစ်နေရာမှာ
ဆုံခဲ့တဲ့မျက်ဝန်း
လှရက်လွန်းတာကြောင့်
နှစ်သစ်အစမှာ
မေ့မရစရာဖြစ်ခဲ့ပြီ...
နောက်တစ်မနက်
ကျောင်းပြန်အတက်မှာ
နှလုံးသားသခင်
ထိုမျက်ဝန်းရှင်လေး
ရှာမယ့်အရေးတွေးကြည့်ပြန်တော့
ကျွန်မမှတ်မိသည်က
သူ၏မျက်ဝန်း
လှလွန်းသည်သာ
ရှိခဲ့ပြီမို့..............
****နေလောင် circuit တို့၏သမိုင်း ဆိုတဲ့ ကဗျာစာအုပ်လေးထဲက ကျွန်မရဲ့ကဗျာလေးပါ... ရူးလို့ကောင်းဆဲအရွယ်က ရေးခဲ့တာပေါ့... ****
No comments:
Post a Comment